Hvørjum havi eg tørv á?

Hvussu nógvum blæum havi eg tørv á? Hvat tilhoyr er hent at hava? Hvørjar blæur eru góðar at brúka á stovninum? Fá yvirlit yvir alt, tú hevur brúk fyri, fyri at koma í gongd við toyblæum her:

Til heimanýtslu:

ELLA

  • 20-25 innlegg til dagsnýtslu (t.d. AI2 ella SIO)
  • 5-7 náttblæur (t.d. formseymaðar ella tær somu sum dagblæurnar)
  • 5-7 skeljar (bæði til dag og nátt)

  • Eyka innlegg
  • 2 stórar vátposar
  • 2 lítlar vátposar til puslitaskuna
  • Lappar til blæuskift
  • Møguliga fleeceinnlegg so rumpan ikki kennist vát (kann eisini nýtast til at fanga kukk í staðin fyri blæupappír)
  • Møguliga blæupappír fyri lættari at beina fyri kukki (er ikki neyðugt tá barnið bara fær mjólk, tá er kukkurin vatnupploysiligur og kann vaskast í maskinuni)

Til stovnsnýtslu:

Tað er snilt at eiga til umleið 25 blæuskift, so vaskar mann 2.-3. hvønn dag. Eitt barn brúkar umleið 6-8 blæur dagliga. Tað kann tó væntast, at tit brúkar fleiri, tá sjúka er í húskinum, so tí er hent at hava nakrar eyka liggjandi. Eldri barnið verður, færri blæum hevur ein tørv á.

Eisini er tað hent at hava eyka innlegg at leggja í blæuna eftir tørvi. Til dømis um náttina, tá tit fara ein longri túr, ella um barnið bara pissar nógv.

Hvat gert tú so við skitnu blæuna? Koyrir hana í ein vátposa! Til heimabrúk fáast stórir vátposar við elastikki ovast at nýta í einari ruskspann ella langir vátposar við snarlási, um tú vilt hava gólvið frítt. Tá tit eru úti, eru smærri vátposar gull verdir. Har passa 3-4 blæur í. Eisini kunnu teir nýtast til vátar klútar, skitin klæði, toybind og annað.

Blæurnar mugu ikki liggja ov leingi í vátposanum, áðrenn tær vera vaskaðar, í mesta lagi 2-3 dagar. Annars kunnu plettar festa seg, og vatntætta lagið oyðileggjast. Les meira um hvussu tú handfert skitnar blæur her.

Les eisini: