Dátuverndarkunning

Í sambandi við tænastur og veitingar okkara viðger Mammulig persónsupplýsingar um teg og raðfestir dátuverndina sera høgt, í hesum sambandi.

Mammulig er dátuábyrgdari fyri viðgerðini av teim persónupplýsingum, vit hava skrásett um teg. Sum dátuábyrgdari er tað skylda okkara at tryggja, at viðgerðin er í samsvari við reglurnar í dátuverndarlógini.

Mammulig kunnar teg við hesum um eina røð av viðurskiftum og rættindum, sum tú hevur sambært dátuverndarlógini.

Tú skalt í høvuðsheitum hava fráboðan um, at persónupplýsingar vera viðgjørdar um teg, hvør er dátuábyrgdari, endamál við viðgerðini, møguligir móttakarar av upplýsingunum, rættindi tíni v.m.

Í hesi kunningini er nærri lýst hvussu vit viðgera og verja persónsupplýsingar, sum vit hava ábyrgd av.

Mammulig hevur ábyrgd av persónupplýsingum hjá starvsfólkum, kundum, samstarvspørtum og veitarum í sambandi við virksemi og tænastur okkara.

Viðgerð av persónupplýsingum verður altíð framd við grundarlag í hesi kunning. Mammulig kann í ávísum førum senda ella útflýggja serliga kunning um viðgerð
av persónsupplýsingum, um viðgerðin ikki er nøktandi lýst í hesi kunningini.

Viðgerð av persónsupplýsingum og endamál:

1. Kontaktupplýsingar hjá kundum, samstarvspørtum og veitarum
Mammulig skrásetir kontaktupplýsingar hjá kundum, samstarvspørtum ella veitarum, sum eru neyðugar til at kunnu veita ítøkiligu tænastuna og onnur krøv í hesum sambandi.

Endamálið við hesum er møguleikin at fremja viðkomandi sølu, tænastur og samstarvið millum partarnar, millum annað avrokning, fylgja upp gjørdum avtalum og kunna umvegis tíðindabrøv, sum tú hevur meldað teg til, at móttaka frá okkum.

Mammulig skrásetir einans tær persónupplýsingar, sum eru neyðugar til tess at kunna veita tað ítøkiligu tænastuna, t.d. veitingina ella avrokning fyri ta ítøkiligu veitingina og møguliga útkoyring av vøru í hesum sambandi.

2. Nethandil
Tá ið tú keypir vørur umvegis nethandilin hjá Mammulig er neyðugt við skráseting av vanligum persónsupplýsingum sum t.d. navn, bústaður, telefonnr, og teldupost soleiðis, at vit kunnu veita hesa tænastu. Vit brúka Shopify EU nethandilsskipanina til hesa tænastu.

3. Facebook
Við at vitja Facebook síðuna hjá Mammulig og dáma síðuna viðgera vit vanligar persónsupplýsingar og kunna teg um vørur og tilboð. Tú kanst altíð melda teg úr tænastuni.

4. Umsøkjarar, starvsfólk ella ráðgevar hjá Mammulig
Um tú søkir starv hjá Mammulig, verður sett/ur í starv ella byrjar sum uttanhýsis ráðgevi hjá Mammulig, viðger Mammulig eina røð av persónsupplýsingum um teg, í sambandi við tína umsókn, starvssetan ella tann leiklut, sum tú skalt útinna á og fyri Mammulig. Um vit móttaka sjálvbodna umsókn um starv, svara vit tær beinanvegin og strika umsóknina.

5. Málaravirksemi
Tá íð tú biður um tilboð uppá málarauppgávu, viðgerð av tilboði og avrokning fyri framt arbeiði, viðgerð Mammulig eina røð av persónsupplýsingum um teg. Talan er um vanligar persónsupplýsingar so sum navn, bústað, telefonnr. og teldupost.

Tær ítøkiligu persónsupplýsingarnar Mammulig viðgerð um teg og grundarlagið fyri viðgerðini verður givið í sambandi við omanfyristandandi viðurskifti.

Heimild fyri viðgerðini

Persónupplýsingar verða viðgjørdir í sambandi við omanfyristandandi uppgávur.

Rættargrundarlagið fyri viðgerð av omanfyristandandi persónupplýsingum er í § 8, stk. 1, nr. 1, 2, og 3, umframt § 12 nr. 1, 2 ella 7 í dátuverndarlógini.

Mammulig fylgir soleiðis einum heimilaðum áhugamáli í sambandi við viðgerð av
hesum upplýsingum.

Goymsla og striking av persónupplýsingum

Mammulig hevur greiðar treytir og reglur fyri, nær vit strika persónupplýsingar. Hetta tryggjar, at vit bert goyma persónupplýsingar í tann mun tað er eitt sakligt og lógligt endamál við goymsluni. Endamálið kann bæði verða við atliti til ítøkiliga lóggávu, t.d. bókhaldslóggávuna ella at tryggja, at ein ítøkilig veiting kann fara fram sambært avtalu.

Víðarigeving av persónupplýsingum

Mammulig gevur vanliga ikki persónupplýsingar víðari til onnur. Mammulig gevur bert tínar persónupplýsingar víðari, um vit hava skyldu til tess sambært viðkomandi lóggávu, gjørda avtalu/sáttmála, til almennar myndugleikar, t.d. TAKS og bókhaldsfyritøku.

Í útgangsstøðinum flytir Mammulig ikki persónupplýsingar víðari til útlond ella triðjalond, hetta kann tó verða neyðugt í sambandi við ítøkiliga veiting og tænastu.

Sum útgangsstøði nýtir Mammulig ikki veitarar ella dátuviðgerar, sum ikki eru partur av ES ella EBS. Hetta kann tó koma fyri í einstøkum førum. Vit brúka nethandilsskipanina Shopify EU, sum er staðsett í Írlandi.

Mammulig tryggjar sær altíð eitt heimilað grundarlag til møguligan flutning av persónupplýsingum og kunnar ítøkiliga um hetta.

Bólkar av persónsupplýsingum

Mammulig viðger persónupplýsingar um teg í sambandi við ítøkiligu veitingina ella tænastuna. Upplýsingarnar kunnu verða vanligir persónupplýsingar t.d. navn, p-tal, bústaður og fíggjarviðurskifti. Talan kann eisini verða um viðkvæmar persónupplýsingar t.d. fakfelagstilknýti í sambandi við starvsviðurskifti og lønaravgreiðslu.

Brúk av kennifílum (cookies)

Vit brúka kennifílar (Cookies) á heimasíðuni og nethandlinum til tess at betra um tænastuna á síðuni. Hetta til tess, at gera heimasíðuna meira ítøkiliga og viðkomandi fyri brúkaran. Brúk av hesum verður heimilað í ítøkiligum samtykki, sum altíð kann takast aftur.

Tíni rættindi og ynskir tú at gera brúk av hesum rættindum?

Sambært dátuverndarlógini hevur tú eina røð av rættindum, nærri lýst í kapitli 4 í dátuverndarlógini.

Rættindini í dátuverndarlógini eru hesi:

Rætturin til kunning í §§ 23-25
Rætturin til innlit í § 26
Rætturin til rætting í § 27
Rætturin til striking í § 28
Rætturin til viðgerðaravmarking í § 29
Rætturin til dátuflutning í § 31
Rætturin til mótmæli í § 32-34
Rætturin til ikki at vera fyri avgerðum, sum eru grundaðar á automatiska viðgerð

Tú hevur t.d. rætt til at fáa innlit í tínar persónupplýsingar, fáa strika upplýsingar, sum Mammulig ikki longur hevur eitt endamál til at goyma og heimilað grundarlag til at viðgera og at fáa rætta tínar persónupplýsingar, um hesar eru skeivar.

Um tú hevur spurningar til tíni rættindi og ynski um innlit v.m., so hevur tú møguleika at senda teldupost til mammulig@gmail.com merkt “att.

Dátuvernd”, ella ringja á telefon 582221. Eisini kanst tú skriva til okkara , sí samskiftisupplýsingarnar niðanfyri og viðmerk ”att. Dátuvernd”.

Ongin ávís upplatingartíð er galdandi, sí nærri um galdandi samskiftis møguleikarnar á heimasíðuni.

Vit mæla til, at tú ikki sendir okkum viðkvæmar ella trúnaðar upplýsingar í hesum sambandi.

Samskiftisupplýsingar

Mammulig
Smillavegur 9
900 Vágur
Tlf.: 582221
Teldupost: mammulig@gmail.fo

Møguleikin at klaga til Dátueftirlitið

Skrásetti kann sambært § 76 í dátuverndarlógini klaga til Dátueftirlitið um viðgerð av persónupplýsingum, sum viðvíkur honum.

Metir tú, at Mammulig ikki viðger tínar persónupplýsingar í samsvari við reglurnar í dátuverndarlógini, hevur tú rætt til at klaga til Dátueftirlitið hesum viðvíkjandi. Tú kanst klaga um viðgerð, sum viðvíkur tær, við at venda tær til Dátueftirlitið á dat@dat.fo ella á telefon 30 91 00. Skrivstovan er opin gerandisdagar millum 9.00 og 15.00.

Seinast dagført 15.08.2023