3 vørur
Byrjanarpakki til nýføðingin - Natural Newborn - 21 skift
Natural Newborn blæan frá Elskbar er ein AIO (all-in-one) toyblæa til nýføðingin, sum vigar 2,5-6 kg. Toyblæan hevur eina vatntætta skel og eina prefold úr bambusi.
Fittasta toyblæan, sum fæst í fleiri vøkrum, unisex mynstrum, og sum hevur eitt mjúkt og væl súgvandi innlegg, dupulta lekaverju og er sera løtt at nýta. Hetta er ein luksustoyblæa til nýfødda barnið frá fyrsta degi.
Bygnaður
Natural Newborn toyblæan er sniðgivin til nýføðingar, sum viga umleið 2,5-6 kg. Toyblæan hóskar perfekt til lítlu nýføðingarumpuna, hevur eitt mjúkt og væl súgvandi innlegg úr bambusi og er sera løtt at nýta hjá nýggjum foreldrum. Og tað er júst tað, sum er týdningarmiklast, tá ein nýtir toyblæur til nýføðing.
Serligt við hesari toyblæuni er dupulta lekaverjan, sum megnar at halda flótandi skarninum inni. Eingin vandi fyri, at blæan fer at leka!
Til ber at nýta Natural Newborn toyblæuna frá fyrsta degi og í einar tveir mánaðir - alt eftir hvussu skjótt barnið veksur.
Hetta er ein AIO blæa, har innleggini kunnu knappast úr, sum ger, at hon tornar munandi skjótari, enn aðrar AIO blæur. Øll blæan skal til vask eftir nýtslu, av tí at skelin er klødd við súgvandi tilfari. Vit kunnu kalla hetta eina Snap-In-AIO.
Tilfar
Skel
Innan: 85% Bambus / 15% Polyester
Uttan: 100% Polyester við TPU-laminat
Innlegg
70% Bambus / 15% Polyester
GG! Skriva í viðmerkingarteigin, hvørji mynstur, tú ynskir, tá tú kemur til kassan. Velur tú einki ávíst, fært til tilvildarligar vørur, alt eftir hvat er á goymslu.
Fyrivarni verður tikið fyri útseldari vøru og mynstrum.
Koyr skitnar blæur í vátposa. Hav ein stóran vátposa við pusliborðið (eitt nú í einari ruskspann ella hangandi á einum króki) og ein lítlan vátposa í puslitaskuni. Tá blæurnar skulu vaskast, skalt tú bara lata posan upp og koyra hann í maskinuna. Vend møguliga posan á ranguna við at trýsta uppundir botnin, so innihaldið dettur í maskinuna. Tær nýtist altso ikki at nerta við skitnu blæurnar.
Blæurnar mugu ikki liggja ov leingi í posanum, áðrenn tær vera vaskaðar - í mesta lagi 2-3 dagar. Annars kunnu plettar festa seg, og vatntætta lagið oyðileggjast.
Vaska við upp til 60*c. Eg viðmæli at brúka neutralt vaskievni. Fylg vegleiðingini á pakkanum, hvussu nógv skal nýtast - ansa eftir ikki at nýta ov nógv. Ofta er ríkiligt at nýta helvtina av tí, sum verður viðmælt á pakkanum. Nýt ikki bleiki- ella skolievni.
Hang blæurnar á snórin - gjarna úti, so tær verða luftaðar væl. Sólin hjálpir eisini at beina fyri møguligum plettum. Turkitrumlan kann oyðileggja vatntætta lagið, so eg viðmæli ikki at nýta turkitrumlu. Innlegg, toybind v.m. uttan PUL kunnu tó turkast við lágum hita í turkitrumluni, men eg viðmæli so vítt gjørligt at heingja á snórin.
Eg viðmæli at leggja nýggjar blæur og innlegg úr natúrtilfari á blot í køldum vatni í 12-24 tímar, og síðani skulu tær vaskast nakrar ferð. Hetta er fyri at økja súgvievnið. Blæur úr bambus skulu vaskast 6-8 ferðir, áðrenn tær súgva fullkomiliga. Skeljar skulu tó bert vaskast eina ferð áðrenn nýtslu.
Stripping av blæum
Viðhvørt kann tað koma fyri, at toyblæurnar lukta sterkt av ammoniak. Hetta merkir, at ov nógv vaskievni er nýtt, og blæurnar tískil innihalda yvirskotssápu. Tað eru fleiri mátar at “strippa” blæurnar. Tann mildasti er at kókivaska tær nakrar ferðir uttan nakað vaskievni. Til ber eisini at nýta edik ella natron, sum neutraliserar sápuna. Hetta skal tó ikki gerast ov ofta, tí tað slítur blæurnar.
Prefold - Bambus
Sera mjúk og væl súgvandi prefold við knappum.
Bygnaður
Prefoldin mátar 30x39 cm og er gjørd av 3x4x3 løgum av væl súgvandi bambusi. Faldar tú hana við linjunum fært tú 10 súgvandi løg. Faldar tú prefoldina hin vegin, fært tú 9 løg við rumpuna, 12 í miðjuni og 9 løg frammanfyri. Hesin seinni hætturin er sera væl egnaður til børn, sum pissa nógv, ella til náttina.
Prefoldin hevur tveir knappar, so tú lættliga fær knappað innleggið í Elskbar Cover All ella Snap-In.
Mát
30x39 cm
Tilfar
85% Bambus / 15% Polyester
Prefold - Natural Newborn - Bambus - Outlet
Niðursett orsakað av plettum (fara helst av í vask), sí mynd.
Kann nýtast við Snappi og skel útyvir, sum innlegg í einari skel (AI2), sum boostari í náttblæuni ella sum
eyka innlegg til Natural Newborn toyblæuna frá Elskbar.
Bygnaður
Prefoldin mátar 25x27 cm og er gjørd av trimum løgum av sera mjúkum og væl súgvandi bambusfrotté. Legg prefoldina dupult og fá seks súgvandi løg - ella falda í trý og fá níggju súgvandi løg.
Nýtir tú nýføðingablæuna frá Elskbar, kann tað vera hent at hava eyka innlegg. Fyrimunurin við hesum erat hava fleiri innlegg í umferð. Skeljarnar torna ofta skjótari enn innleggini, og hevur tú fleiri innlegg enn skeljar, nýtist tú ikki at bíða eftir at innleggini torna. Hevur barnið bara pissað eitt sindur, tá blæan verður skift, og skelin tískil ikki er blivin vát, kanst tú eisini bert skifta innleggið og endurnýta skelina.
Hetta er sama innleggið, sum fylgir við, tá tú keypir Elskbar Natural Newborn. Einasti munur er, at hetta innleggið ikki hevur ein trýstknapp.
Mát
25x27 cm
Tilfar
85% Bambus / 15% Polyester
