Mother-ease er ein familjufyritøka, sum varð stovnað í 1991 av Eriku Froese. Allar vørur eru framleiddar í Onatrio, Kanada, við 100% grønari orku.
1 vøra
1 vøra
Náttblæubuksur
/
Íroknað MVG
Veitingarprísur verður roknaður við kassan
Fá róligar og turrar nætur við Náttblæubuksur frá Mother Ease
Náttblæubuksurnar frá Mother Ease eru sniðgivnar, sum vanligar undirbuksur, sum kunnu nýtast innanfyri náttklæðini, og barnið sjálvt kann lata seg í og úr. Tær súgva nógv (625 ml) og eru perfektar til børn, sum brúka blæu um náttina.
- Líkjast og kennast sum almindiligar undirbuksur
- Buksublæa, sum barnið kann lata seg sjálvt í
- Góð súgvievni (625 ml)
- Kennast væl
- Lekaverja við lastikki um bein og miðju
- Vatntættar uttan
- Tríggjar støddir
- Loysa seg búskaparliga í longdini
Bygnaður
Náttblæubuksurnar eru sniðgivnar, sum vanligar undirbuksur við eitt sindur meira fyllu. Tær taka heili 625 ml av vesku!
Uttan er blæan klødd við vatntøttum PUL í fittum mynstri, og innan er sera mjúk og væl súgvandi bummull.
Tá blæan verður hongd á snór, skal hon vendast á ranguna, so hon tornar ordiliga.
Náttblæubuksurnar fáast í trimum støddum:
- XS: 13,6-18 kg
- S: 18-25 kg
- M: 25-30 kg
| Stødd | Vekt (kg) | Miðja (cm) | Lær (cm) |
| XS | 13,6-18 | 38 - 53 | 25,5 - 33 |
| S | 18-25 | 40,5 - 58,5 | 30,5 - 40,5 |
| M | 25-30 | 48 - 66 | 33 - 43 |
Tilfar
Uttan: 100% Polyester við PUL
Innan: 82% Bummull / 18% Polyester
Koyr skitnar blæur í vátposa. Hav ein stóran vátposa við pusliborðið (eitt nú í einari ruskspann ella hangandi á einum króki) og ein lítlan vátposa í puslitaskuni. Tá blæurnar skulu vaskast, skalt tú bara lata posan upp og koyra hann í maskinuna. Vend møguliga posan á ranguna við at trýsta uppundir botnin, so innihaldið dettur í maskinuna. Tær nýtist altso ikki at nerta við skitnu blæurnar.
Blæurnar mugu ikki liggja ov leingi í posanum, áðrenn tær vera vaskaðar - í mesta lagi 2-3 dagar. Annars kunnu plettar festa seg, og vatntætta lagið oyðileggjast.
Vaska við upp til 60*c. Eg viðmæli at brúka neutralt vaskievni. Fylg vegleiðingini á pakkanum, hvussu nógv skal nýtast - ansa eftir ikki at nýta ov nógv. Ofta er ríkiligt at nýta helvtina av tí, sum verður viðmælt á pakkanum. Nýt ikki bleiki- ella skolievni.
Hang blæurnar á snórin - gjarna úti, so tær verða luftaðar væl. Sólin hjálpir eisini at beina fyri møguligum plettum. Turkitrumlan kann oyðileggja vatntætta lagið, so eg viðmæli ikki at nýta turkitrumlu. Innlegg, toybind v.m. uttan PUL kunnu tó turkast við lágum hita í turkitrumluni, men eg viðmæli so vítt gjørligt at heingja á snórin.
Eg viðmæli at leggja nýggjar blæur og innlegg úr natúrtilfari á blot í køldum vatni í 12-24 tímar, og síðani skulu tær vaskast nakrar ferð. Hetta er fyri at økja súgvievnið. Blæur úr bambus skulu vaskast 6-8 ferðir, áðrenn tær súgva fullkomiliga. Skeljar skulu tó bert vaskast eina ferð áðrenn nýtslu.
Stripping av blæum
Viðhvørt kann tað koma fyri, at toyblæurnar lukta sterkt av ammoniak. Hetta merkir, at ov nógv vaskievni er nýtt, og blæurnar tískil innihalda yvirskotssápu. Tað eru fleiri mátar at “strippa” blæurnar. Tann mildasti er at kókivaska tær nakrar ferðir uttan nakað vaskievni. Til ber eisini at nýta natron, vaskisoda ella natriumpercarbonat, sum neutraliserar sápuna. Hetta skal tó ikki gerast ov ofta, tí tað slítur blæurnar.
Soleiðis gert tú:
- Vaska blæurnar sum vant.
- Fyll eina stóra balju ella baðikar við heitum (ikki kókandi) vatni.
- Koyr hálvan til heilan kopp av natron/vaskisoda/natriumpercarbonat í heita vatni og rør, til tað er upployst.
- Koyr vaskievni í vatni. Fylg mongdarvegleiðingini á pakkanum. Hetta stigið kann loypast um.
- Koyr reinu blæurnar í vatni og syrg fyri, at allar eru undir vatni.
- Lat blæurnar liggja á bloti í minst 4-6 tímar ella enn betur: yvir nátt. Rør gjarna runt í vatninum leypandi.
- Tak blæurnar úr vatninum og skola tær væl í reinum vatni. Tendra møguliga eitt skoliprogramm á vaskimaskinuni nakrar ferðir.
- Vaska blæurnar í vaskimaskinuni og turka, sum vant.
- So eru blæurnar aftur klárar at brúka!
