Easy Cover - Teardrops Toffee
Easy Cover - Teardrops Toffee
Easy Cover - Teardrops Toffee
Easy Cover - Teardrops Toffee

Easy Cover - Teardrops Toffee

Vanligur prísur 189,00 kr Útsøluprísur 151,00 kr Spar 20%
/
MVG íroknað Veitingarprísur verður roknaður við kassan

Bert 2 eftir á goymslu!

Skelin er úr lekrari GOTS-góðkendari bummull við vøkrum mynstri uttast, PUL innast og fleece í rygginum, so blæan ikki lekur. Blæan verður latin aftur við trýstknappum framman.

Innan eru trýstknappar, sum Easy SIO innlegg kunnu knappast í. Skelin kann eisini nýtast yvir formseymaða blæu, við prefold ella líknandi.

Skelin kann nýtast 3-5 ferð, áðrenn hon skal vaskast, um hon ikki fær skarn á seg.

Skelin fæst í tveimum støddum

  • M: 6-10 kg
  • L: 10 kg+

GG! Innlegg fylgja ikki við - tey finnur tú her.

Sí vaskivegleiðing her.

Koyr skitnar blæur í vátposa. Hav ein stóran vátposa við pusliborðið (eitt nú í einari ruskspann ella hangandi á einum króki) og ein lítlan vátposa í puslitaskuni. Tá blæurnar skulu vaskast, skalt tú bara lata posan upp og koyra hann í maskinuna. Vend møguliga posan á ranguna við at trýsta uppundir botnin, so innihaldið dettur í maskinuna. Tær nýtist altso ikki at nerta við skitnu blæurnar.

Blæurnar mugu ikki liggja ov leingi í posanum, áðrenn tær vera vaskaðar - í mesta lagi 2-3 dagar. Annars kunnu plettar festa seg, og vatntætta lagið oyðileggjast.

Vaska við upp til 60*c. Eg viðmæli at brúka neutralt vaskievni. Fylg vegleiðingini á pakkanum, hvussu nógv skal nýtast - ansa eftir ikki at nýta ov nógv. Ofta er ríkiligt at nýta helvtina av tí, sum verður viðmælt á pakkanum. Nýt ikki bleiki- ella skolievni.

Hang blæurnar á snórin - gjarna úti, so tær verða luftaðar væl. Sólin hjálpir eisini at beina fyri møguligum plettum. Turkitrumlan kann oyðileggja vatntætta lagið, so eg viðmæli ikki at nýta turkitrumlu. Innlegg, toybind v.m. uttan PUL kunnu tó turkast við lágum hita í turkitrumluni, men eg viðmæli so vítt gjørligt at heingja á snórin.

Eg viðmæli at leggja nýggjar blæur og innlegg úr natúrtilfari á blot í køldum vatni í 12-24 tímar, og síðani skulu tær vaskast nakrar ferð. Hetta er fyri at økja súgvievnið. Blæur úr bambus skulu vaskast 6-8 ferðir, áðrenn tær súgva fullkomiliga. Skeljar skulu tó bert vaskast eina ferð áðrenn nýtslu.

Stripping av blæum

Viðhvørt kann tað koma fyri, at toyblæurnar lukta sterkt av ammoniak. Hetta merkir, at ov nógv vaskievni er nýtt, og blæurnar tískil innihalda yvirskotssápu. Tað eru fleiri mátar at “strippa” blæurnar. Tann mildasti er at kókivaska tær nakrar ferðir uttan nakað vaskievni. Til ber eisini at nýta edik ella natron, sum neutraliserar sápuna. Hetta skal tó ikki gerast ov ofta, tí tað slítur blæurnar.