All-In-One v/ karðalási - Woodland
All-In-One v/ karðalási - Woodland
All-In-One v/ karðalási - Woodland

All-In-One v/ karðalási - Woodland

Vanligur prísur 219,00 kr Spar Liquid error (product-template line 131): -Infinity%
/
MVG íroknað Veitingarprísur verður roknaður við kassan

Bert 3 eftir á goymslu!

All-In-One blæan frá ImseVimse er gjørd at vera hent og løtt at nýta. Blæan verður fest við karðalási framman og mjúkari lekaverju runt beinopini, sum heldur øllum inni. 

Bygnaður

Innana eru tvey innlegg, sum eru seymað føst í hvør sínum enda, sum tveir flappar. Innleggini eru úr 100% vistfrøðiligari bummull.

Mjúka og toyggjandi toyið kennist og situr væl á barninum. Vatntættað PULið er mjúkt og haldgott. Blæan verður latin aftan framman við karðalási.

Tað at súgvandi innleggini bert eru seymað føst í aðrari síðuni, merkir eisini, at blæan er skjót at torna.

Blæan fæst í fýra støddum:

  • Premature: 2,5-5 kg
  • Small: 4-8 kg
  • Medium: 8-11 kg
  • Large: 11-16 kg

Tilfar

Innan: 100% Vistfrøðilig Bummull
Uttan: 100% PUL

Sí vaskivegleiðing her.

Koyr skitnar blæur í vátposa. Hav ein stóran vátposa við pusliborðið (eitt nú í einari ruskspann ella hangandi á einum króki) og ein lítlan vátposa í puslitaskuni. Tá blæurnar skulu vaskast, skalt tú bara lata posan upp og koyra hann í maskinuna. Vend møguliga posan á ranguna við at trýsta uppundir botnin, so innihaldið dettur í maskinuna. Tær nýtist altso ikki at nerta við skitnu blæurnar.

Blæurnar mugu ikki liggja ov leingi í posanum, áðrenn tær vera vaskaðar - í mesta lagi 2-3 dagar. Annars kunnu plettar festa seg, og vatntætta lagið oyðileggjast.

Vaska við upp til 60*c. Eg viðmæli at brúka neutralt vaskievni. Fylg vegleiðingini á pakkanum, hvussu nógv skal nýtast - ansa eftir ikki at nýta ov nógv. Ofta er ríkiligt at nýta helvtina av tí, sum verður viðmælt á pakkanum. Nýt ikki bleiki- ella skolievni.

Hang blæurnar á snórin - gjarna úti, so tær verða luftaðar væl. Sólin hjálpir eisini at beina fyri møguligum plettum. Turkitrumlan kann oyðileggja vatntætta lagið, so eg viðmæli ikki at nýta turkitrumlu. Innlegg, toybind v.m. uttan PUL kunnu tó turkast við lágum hita í turkitrumluni, men eg viðmæli so vítt gjørligt at heingja á snórin.

Eg viðmæli at leggja nýggjar blæur og innlegg úr natúrtilfari á blot í køldum vatni í 12-24 tímar, og síðani skulu tær vaskast nakrar ferð. Hetta er fyri at økja súgvievnið. Blæur úr bambus skulu vaskast 6-8 ferðir, áðrenn tær súgva fullkomiliga. Skeljar skulu tó bert vaskast eina ferð áðrenn nýtslu.

Stripping av blæum

Viðhvørt kann tað koma fyri, at toyblæurnar lukta sterkt av ammoniak. Hetta merkir, at ov nógv vaskievni er nýtt, og blæurnar tískil innihalda yvirskotssápu. Tað eru fleiri mátar at “strippa” blæurnar. Tann mildasti er at kókivaska tær nakrar ferðir uttan nakað vaskievni. Til ber eisini at nýta edik ella natron, sum neutraliserar sápuna. Hetta skal tó ikki gerast ov ofta, tí tað slítur blæurnar.