Bindið er av fimm løgum av súgvandi bummullsflonel og á baksíðuni er eitt lag av PUL fyri at fyribyrgja leka.
Bindið sýgur væl og er væl egnað at nýta um náttina ella eftir føðing.
Fest bindið við trýstknappi undir trussunum. Tveir stillingsmøguleikar eru.
Trý toybind eru í pakkanum.
Mát
33x8,5 cm
Tilfar
100% Vistfrøðilig Bummull
Baksíða: PUL
At vaska bind og innlegg er ikki nógv øðrvísi enn at vaska undirklæði og sokkar.
Koyr brúkt bind í ein vátposa. Tú kanst hava ein nærhendis kummuni á vesinum og ein í taskuni/lummanum. So kanst tú vaska øll saman, tá tú ert liðug at menstruera ella eftir tørvi.
Lat vátposan upp og koyr í maskinuna. Hevur tú eitt blæubarn kanst tú við fyrimuni vaska bindini saman við toyblæum. Annars kunnu tey vaskast saman við øðrum, sum tú vaskar á 60*c.
Eg viðmæli at brúka neutralt vaskievni. Fylg vegleiðingini á pakkanum, hvussu nógv skal nýtast - ansa eftir ikki at nýta ov nógv. Ofta er ríkiligt at nýta helvtina av tí, sum verður viðmælt á pakkanum. Nýt ikki bleiki- ella skolievni.
Hang bindini á snórin - gjarna úti, so tey verða luftað væl. Sólin hjálpir eisini at fjerna møguligar plettir. Turkitrumlan kann oyðileggja vatntætta lagið, so eg viðmæli ikki at nýta turkitrumlu. Innlegg, toybind v.m. uttan PUL kunnu tó turkast við lágum hita í turkitrumluni, men eg viðmæli so vítt gjørligt at heingja á snórin.
Eg viðmæli at leggja nýggj bind og innlegg úr natúrtilfari á blot í køldum vatni í 12-24 tímar, og síðani skulu tey vaskast nakrar ferð. Hetta er fyri at økja súgvievnið. Bind úr bambus skulu vaskast 6-8 ferðir, áðrenn tey súgva fullkomiliga.
Eg elski hesi bindini. Eg bløði nógv tveir teir fyrstu dagarnar og tá koma hesi longu bindini væl við. Mær dámar eisini væl, at knapparnir eru í miðjuni og tey eru líka long báðar vegir, tí eg bløði frameftir og aftureftir, alt eftir um tað er dagur ella nátt. Eg nevni hatta síðsta, tí summi bind, sum man keypir í handlinum hava ikki klistrið í miðjuni, so tey venda antin hendan ella handan vegin.
Tey eru so mjúk ímóti húðini, at eg hugsi slett ikki um, at tey eru har.
Elski eisini mynstrið :) Tað ger menstruatiónina eitt sindur hugnaligari. Mín yndis-"litur" er Orange Sprinkles.
Eg havi annars brúkt hesi í skjótt eitt ár og havi ongantíð bløtt ígjøgnum við teimum.
